Twinkle Baker Decor (已結業)

之前經過呢間鋪頭幾次已經覺得佢地嘅蛋糕好靚，今日就買左一個返去試下。我就要左一個幸福果子嘅蛋糕，個外型相當精緻同埋好靚，亦都好色彩繽紛，而且唔容易溶。size唔算好大，如果係3-4個人食嘅話應該已經好足夠。一切開個蛋糕更加有驚喜，原來中間嘅部分係有好多粒心型嘅朱古力，我切嘅時候仲猶疑緊點解中間會咁硬，原來係因為咁。個蛋糕嘅朱古力味好濃郁，再配埋外面嘅個層朱古力就更加正。而個蛋糕嘅甜度都適中，唔會話太甜，食完之後亦都唔會覺得膩，真係又好睇又好食。