囍公館 (已結業)

今日晏晝黎到呢度坐下chill下，餐廳地方超大，有室內同室外，炎炎夏日就梗係坐喺室內涼下冷氣啦，室內座位相當舒服，環境開揚。呢度出名食點心之外，cockatails 都好出名架！我地就叫左幾樣點心同兩款signature cocktails！全部即叫即整熱辣辣。一坐低員工就問你飲咩茶，等你順返條氣先，有普洱，香片，鐵觀音，玫瑰花，菊花同人蔘烏龍；我就揀左玫瑰花，淡淡玫瑰花香好舒服，又養生。彩虹鮮蝦餃-一共有三件，不單止樣靚，入面啲蝦又大隻又爽脆，蝦餃上面仲有金箔添，打卡一流。盆栽小蘿蔔-都係有三件，個樣勁得意，餡料除左有白蘿蔔絲之外，仲有乾瑤柱絲，外面酥脆，裡面有蘿蔔甜味之外，佢仲多咗份乾瑤柱既鮮味，不過要小心焫咀，因為佢真係好熱。一口香脆炸雞 - 外面脆，雞肉滑，辣辣地，調味剛好。佢另外俾咗一個茄汁俾我哋點，不過我覺得已經夠未唔需要。Embittered - 餐牌寫苦苦地，我自己就覺得唔苦，幾純，仲越飲越好飲，就算個冰波溶左都唔會覺得稀。白酒-炎炎夏日嘆返杯白酒已經可以喺度坐一個下晝。