莆田 (已結業)

八號波又黎！訓醒發覺屋企無備糧，唯有落街搵好野食！揀左間精緻既下午茶食，細細份，但味道確係不錯！蝦苗拌頭水紫菜。蝦仔唔係好覺，但紫菜好香，有少少脆口，我個人喜歡這個！鹵水自製豆腐，有d似係麵醬汁煮既豆卜！甜品係冰糖雪耳糖水，係杰身的，甜甜爽爽！杞子白米糕，有d似係白糖糕，但無個種酸味，甜味多。莆田糯米丸，係芝麻餡既湯丸再加上黃豆粉。係糖不甩既升級版。包菜飯，有點似糯米飯，但有切粒既五花腩肉仔，好香好好味！興化炒米粉，有水紫菜、鮮蝦、香脆花生、菜仔加米粉。米粉好幼細，好似新竹米粉！