Cova Pasticceria & Confetteria (港威商場) (已結業)

星期日想喺尖沙咀約朋友休閒食下午茶，最後揀咗尖沙咀海港城Cova，預早book職員話枱已滿，要walk-in. 當天去到Walk in, 完全冇人等位，得我地一行三人，等左45分鐘終於順利入座，入到去發現超級多吉枱，應該與疫情有關，這點我明白的。我哋叫左一set 二人下午茶 $488, 食物份量好少，每一件甜品或鹹點分量亦很小，亦不會像酒店的下午茶般有鬆餅在旁，所以都不夠飽。佢嘅鹹點批底好味，但甜品就一般，佢嘅迷你水果撻冇乜特別，水果亦不甜，大多數是酸的。最後我地叫多份薯條$88，又係分量超級細，好肯定薯條唔超過10條😭😭兩杯跟餐飲品我們叫了latte, 都係果句，份量超級少，兩三啖就飲完，亦唔會有得添飲，最後我哋都係飲水算。服務方面，幫我哋叫餐嘅服務員完全沒有禮貌，我哋有我哋點歺，點完佢一聲不響即刻一枝箭咁標走，係呢種餐廳有呢一種服務感覺十分奇怪，總括而言如果唔係食環境，建議可以去其他地方食下午茶餐，或者酒店嘅下午茶餐一定比呢度好。