影片
更多
2017-11-23
1403 浏览
呢排好忙，晚晚都成八點、九點先收得工難得今晚有得收早，就約左好姊妹一齊去鯉魚門食海鮮平時入鯉魚門多數都係食中式/港式煮法，而今晚就有d唔同，我地去左呢排雜誌都有報道既水產店食浜燒“浜燒”既意思即係喺海邊即捕即燒，咁就可以簡單直接品嚐到既水產自身既鮮甜美味！睇到餐廳對住既呢個大海景同下面既養缸就知今晚我地的確無揀錯地方店員話俾我地知，佢地既蠔同帆立貝都係每日喺日本新鮮空運返黎架！！！我地聽到之後即刻要店員幫我地預留每人一隻，仲要多左一份四隻既馬刀貝，準備一陣燒揀完水產之後，我地首先要左一客“蟹肉伴蟹子沙律”HKd$90+10%黎清一清，開一開胃先呢客沙律份量好足，有好多蟹肉絲同蟹子，沙律菜又夠新鮮，岩曬我呢個沙律怪之後朋友發板嗌左盤“季節刺身特上拼盤(6種)”HKd$580+10%六款刺身都好新鮮，各有特色當中厚切既油甘魚刺身油脂充足，入口肥美而鯛魚刺身亦既鮮又甜我地亦要左份“燒味醂河豚干”HKd$88+10%做小食，帶微甜既河豚干點上灑上七味粉既蛋黃醬黎食，惹味可口，令我地一條接一條咁食，傾多兩句都已經食光光嚕跟住就到我地今晚既主角出場啦我地總共要左兩隻“岩手縣石蠔”HKd$58×2+
難得今晚有得收早，就約左好姊妹一齊去鯉魚門食海鮮
平時入鯉魚門多數都係食中式/港式煮法，而今晚就有d唔同，我地去左呢排雜誌都有報道既水產店食浜燒
“浜燒”既意思即係喺海邊即捕即燒，咁就可以簡單直接品嚐到既水產自身既鮮甜美味！
睇到餐廳對住既呢個大海景同下面既養缸就知今晚我地的確無揀錯地方
店員話俾我地知，佢地既蠔同帆立貝都係每日喺日本新鮮空運返黎架！！！
我地聽到之後即刻要店員幫我地預留每人一隻，仲要多左一份四隻既馬刀貝，準備一陣燒
揀完水產之後，我地首先要左一客“蟹肉伴蟹子沙律”HKd$90+10%黎清一清，開一開胃先
呢客沙律份量好足，有好多蟹肉絲同蟹子，沙律菜又夠新鮮，岩曬我呢個沙律怪
之後朋友發板嗌左盤“季節刺身特上拼盤(6種)”HKd$580+10%
六款刺身都好新鮮，各有特色
當中厚切既油甘魚刺身油脂充足，入口肥美
而鯛魚刺身亦既鮮又甜
我地亦要左份“燒味醂河豚干”HKd$88+10%做小食，帶微甜既河豚干點上灑上七味粉既蛋黃醬黎食，惹味可口，令我地一條接一條咁食，傾多兩句都已經食光光嚕
跟住就到我地今晚既主角出場啦
我地總共要左兩隻“岩手縣石蠔”HKd$58×2+10%、兩隻“帆立貝”HKd$98×2+10%同一份四隻既“馬刀貝”HKd$118+10%要黎“浜燒”
每日新鮮由日本運到既蠔同帆立貝真係無得輸，尤其係個帆立貝，貝肉肉質嫩且彈，海水天然既咸味正帶出當中既鮮甜，唔需要點上任何調味經已令人吃得感嘆
而燒好既蠔都仲有手掌咁大，蠔味濃厚而鮮味
接住黎既“剃鬚鯛一夜干”HKd$388+10%都不容忽視
用鹽水浸上一晚再風乾既剃鬚燒得恰好，魚肉札實之餘又嫩滑，同樣美味令我地食唔停囗
當晚我地仲每人叫左一杯特飲：
朋友要左“東瀛旋風(抹茶紅豆)”HKd$48+10%；
而我就點左杯“士多啤梨沙”HKd$68+10%
朋友話佢杯抹茶紅豆甜度適中，混合忌廉後就更覺順滑；而我既士多啤梨沙冰都好好飲呀！！沙冰打得超幼細，飲落味道似草莓奶昔，味道天然香滑，當中仲有唔少鮮草莓粒添
雖然呢晚埋單唔平，但食物好、環境好、服務好，望住海景嘆完呢餐唔淨止滿足，仲的確幫我減到唔少壓添
张贴
