肉料理とワインCARVING (已結業)

一路以來都好想試吓食和牛，但係又怕自己手藝麻麻哋，會嘥咗塊靚嘅牛肉，今次好彩有朋友介紹，食到呢間鐵板燒廚師發板👍🏼👍🏼一嚟到就有和牛刺身，配上自家漬蘿蔔，有啲似食壽司，但有冇咁膩，蘿蔔嘅酸味同牛肉嘅肥美完美配合，好唔錯！☺️☺️之後又有魚子布甸，中間嘅cream居然係用明太子製成，更添風味，魚子亦用上威士忌醃製，有淡淡酒香😋😋再黎就係柚子啫喱鮑魚，鮑魚鮮味十足，柚子比到清新嘅口感，為主菜做好準備。🤣之後係本枯節粟米湯，店員介紹本枯節係日本有名嘅柴魚，果然零舍不同。👌👌主菜係熊本和牛嘅後腰肉🔥🔥入口即溶，肉同脂肪比例完美，油花中和左肉嘅韌勁，肉汁滿瀉，令人一試難忘。🤩🤩