影片
更多
2019-02-08
3271 浏览
今日大年初四， 依然仲係放假，一個人冇嘢做又諗起不如食個午餐自助餐， 講真有啲過份~ 因為呢餐係我四日內第三餐自助餐！😅 之前兩餐係分別年初一宵夜自助餐及年初三下午茶自助餐！講返呢度嘅自助午餐都有點特色！先講日式檔口，刺身及壽司嘅種類喺午市自助餐嚟講算多。刺身有四款， 三文魚、吞拿魚、八爪魚、劍魚、玉子( 其實唔知算唔算) 可以話日式檔口係成個自助餐嘅賣點/重點！ 呢度午市自助餐基本上係將東南亞食品及中國地方食品一網打盡~除有日式食品外，有泰式蝦餅、印度咖喱、潮州豬耳…… 過年期間當然有賀年意頭食品啦！「橫財就手」當然係豬手、「財源滾滾」比較特別~ 我記得係甜酸汁配三文魚打成嘅魚球😅、仲有過年走唔甩嘅蘿蔔糕，真心講呢度嘅自助餐真係一般之上，係日式檔口同甜品比較可取，因為佢嘅甜品有熱食有凍食，麵包布甸、焦糖燉蛋、各款小杯特色甜品、自行調製嘅窩夫、各式切件小蛋糕…… 幾乎佔咗整個自助餐嘅一半…… 有啲喧賓奪主嘅感覺！ 如果要飲果汁、啤酒或汽水係要另外加錢，不過經飲食網站訂位有折扣兼送一杯橙汁或汽水飲，另外喺今日因為有開工賀年醒獅表演儀式，酒店亦特意安排醒獅隊喺餐廳門口舞獅及同食客合照，呢樣
講返呢度嘅自助午餐都有點特色！先講日式檔口，刺身及壽司嘅種類喺午市自助餐嚟講算多。刺身有四款， 三文魚、吞拿魚、八爪魚、劍魚、玉子( 其實唔知算唔算) 可以話日式檔口係成個自助餐嘅賣點/重點！ 呢度午市自助餐基本上係將東南亞食品及中國地方食品一網打盡~除有日式食品外，有泰式蝦餅、印度咖喱、潮州豬耳…… 過年期間當然有賀年意頭食品啦！「橫財就手」當然係豬手、「財源滾滾」比較特別~ 我記得係甜酸汁配三文魚打成嘅魚球😅、仲有過年走唔甩嘅蘿蔔糕，真心講呢度嘅自助餐真係一般之上，係日式檔口同甜品比較可取，因為佢嘅甜品有熱食有凍食，麵包布甸、焦糖燉蛋、各款小杯特色甜品、自行調製嘅窩夫、各式切件小蛋糕…… 幾乎佔咗整個自助餐嘅一半…… 有啲喧賓奪主嘅感覺！ 如果要飲果汁、啤酒或汽水係要另外加錢，不過經飲食網站訂位有折扣兼送一杯橙汁或汽水飲，另外喺今日因為有開工賀年醒獅表演儀式，酒店亦特意安排醒獅隊喺餐廳門口舞獅及同食客合照，呢樣抵畀一個like👍
多款刺身及壽司
101 浏览
0 赞好
0 留言
凍潮式豬耳、 煙三文魚、 蝴蝶粉沙律、 沙律菜、 凍豬手切肉
131 浏览
0 赞好
0 留言
麵包布甸、 芒果拿破崙、 m字頭雪糕
115 浏览
0 赞好
0 留言
张贴
