曲奇童話

营业中

休息中

仲有幾個星期就到農曆新年，我趁住呢個機會去咗曲奇童話買咗兩盒佢哋新出嘅賀年產品。金獅獻瑞呢盒曲奇都幾有份量，一共有36片。口味方面，一共有八種口味，當中比較特別嘅我就覺得有夠晒鹹香嘅鹹蛋芝士，充滿特色嘅巴馬火腿，帶少少鹹味嘅鹽之花，合桃味濃郁嘅紅棗山核桃等等。每一片曲奇都焗得好香脆，加上口味夠晒多，啱晒唔同口味嘅人。金玉滿堂呢盒份量雖然冇咁大，但有幾款曲奇都幾有特色，包括非常之酥脆嘅蝴蝶酥，朱古力味突出嘅金泊朱古力等等，都非常之啱我口味。其實我覺得曲奇童話對每款產品都有佢嘅執着喺度，曲奇嘅口味五花八門得來，每款都有佢獨有嘅特色，呢兩盒賀年曲奇我自己就覺得非常好味。