茶古道 (已結業)

第一次試下呢間，就非常難忘，唔會再幫襯！2022年8月16日下午1時30至40分當值嘅兩位美女，客人俾咁嘅價錢，你落錯單唔道歉不止，仲要反過嚟話客人唔啱，咩教育呀？有咩事就第一件事係人哋唔啱先，你一定啱嘅！我係唔飲凍嘢嘅人，你哋堅持係我叫凍嘅，唔單止唔合邏輯，塊面仲好西！我只係不停問你哋咁點算（工作嘅嘢，解決問題啫，一係退錢，一係沖過，唔係解決唔到呀，反正你都係用返啲料，倒過啲叮熱嘅奶入去，好蝕咩？），你一手好霉氣咁攞走沖錯嗰杯，俾返杯熱嘅我時又飛喺counter就算，立即返埋自己個位睇iPad! 小姐，你唔係收人工做千金架！你哋應該學下咩叫客服，人哋除咗買産品，仲買埋服務架！我欠你哋架？咁矜貴，唔好出嚟做嘢啦！