天海家草庵 (已結業)

服務態度惡劣，點餐時職員語氣極唔耐煩，上菜時亦無出聲提醒，餐盆直接對入嚟枱面。當時未到6點，只有兩座客，又唔係忙，完全係無理受氣，非常難堪😞。心情變差，實在好影響食慾。-衛生環境欠佳，一直有蒼蠅飛來飛去，朋友感到好困擾，忍唔住要出手拍死，噁心🤮！-食物質素參差，炸物攞出嚟已經唔熱，軟殼蟹細隻又冇膏，其中天婦羅帶子竟然同個炸衣骨肉分離😧同就咁食熟帶子冇分別，仲要冇鮮味！作為天婦羅專門店，實在講唔過去！唯一讚嘅係蝦，但都唔係讚個炸衣，只係蝦肉本身彈牙鮮甜。-價錢貴，品質低，兩個定食$148+$158，實在唔值呢個價！仲要收$30加一服務費！受氣嘅服務費！無奈😩。-總結：冇下次😓，尤其某職員（貌似係店長）態度好差，食物亦唔出色，衛生有待改善。