影片
更多
2021-02-01
609 浏览
今次係第二次幫襯但我已經決定左就算免費我都唔會再去e間餐廳呀！第一次去食lunch個陣叫左個西冷定肉眼個陣已經覺得除左難食同環境超級迫之外其他野全部都普普通通都唔會想再食但今日星期日其他餐廳全部都勁多人等位係e到唔洗等咁就諗住是但啦將就下但真係超級錯誤既決定呀！！！我嗌左個是日午餐豬扒拼豬頸肉加薯菜個餐到左之後我見到有一塊煙肉重同朋友講咁好既原來會送多塊煙肉跟著朋友同我講佢上次黎聽到其他客人講嗌左我e個餐冇豬頸肉所以搭多左塊煙肉我心諗唔係呀嘛我係為左豬頸肉先嗌e個餐唔會冇呀？！點知翻開塊豬扒一睇真係冇豬頸肉既咁我就問職員點解冇啦佢話唔好意思今日既豬頸肉冇曬轉左煙肉重話“出面個牌有貼到”我聽完就話下，咁你地落單個陣唔會提個客轉左另一樣嫁？佢就淨係係咁講唔好意思完全解決唔到件事而我又趕住食啲野就走只好被逼接受佢夾硬俾我既食物成件事超唔合理第一，落單既同事新翻工既？野食轉左提一提個客都唔識做？第二，e個情況係e間餐廳已經發生過不只一次，都重係可以keep住唔提客人？係咪俾客X得少？第三，我問翻職員點解冇豬頸肉個陣，佢竟然答得出店外貼左轉左？我坐係餐廳入面，睇緊你入面俾我既餐牌，我實係會知你外
但我已經決定左就算免費我都唔會再去e間餐廳呀！
第一次去食lunch個陣
叫左個西冷定肉眼
個陣已經覺得除左難食同環境超級迫之外
其他野全部都普普通通
都唔會想再食
但今日星期日
其他餐廳全部都勁多人等位
係e到唔洗等
咁就諗住是但啦將就下
但真係超級錯誤既決定呀！！！
我嗌左個是日午餐豬扒拼豬頸肉加薯菜
個餐到左之後我見到有一塊煙肉
重同朋友講咁好既原來會送多塊煙肉
跟著朋友同我講
佢上次黎聽到其他客人講嗌左我e個餐
冇豬頸肉所以搭多左塊煙肉
我心諗唔係呀嘛
我係為左豬頸肉先嗌e個餐唔會冇呀？！
點知翻開塊豬扒一睇
真係冇豬頸肉既
咁我就問職員點解冇啦
佢話唔好意思今日既豬頸肉冇曬轉左煙肉
重話“出面個牌有貼到”
我聽完就話下，咁你地落單個陣唔會提個客轉左另一樣嫁？
佢就淨係係咁講唔好意思
完全解決唔到件事
而我又趕住食啲野就走只好被逼接受佢夾硬俾我既食物
成件事超唔合理
第一，落單既同事新翻工既？野食轉左提一提個客都唔識做？
第二，e個情況係e間餐廳已經發生過不只一次，都重係可以keep住唔提客人？係咪俾客X得少？
第三，我問翻職員點解冇豬頸肉個陣，佢竟然答得出店外貼左轉左？我坐係餐廳入面，睇緊你入面俾我既餐牌，我實係會知你外面貼左啦，咁你入面既餐牌唔貼？又唔提客？虧你咁都講得出
件事重未完嫁
我朋友點左份西多
嗌個陣話要散嗌一份西多
職員冇任何表態
去到埋單個陣先發現佢落左套餐
問翻職員個陣先同我地講西多冇散嗌
冇散嗌落單個陣又係唔識出聲嫁喎
但算，我地忍
因為已經食左喇
咁我地就話咁西多係套餐既話姐係我地重有一杯飲品未黎
跟著個職員竟然話我地唔一早嗌！
嘩，真係好野
我地話散嗌個你又唔出聲話得套餐
我地實係知重有野飲未嗌啦
咁既然你知道我地嗌左西多套餐
你地唔會跟下啲單睇下套餐既野出曬未嫁？
定係打算我地唔嗌就側側膊唔俾我地？
跟著出野飲個陣重好野
我地嗌左熱檸茶拎走
個職員放底杯飲品後
將一包糖同匙更拋左落去我朋友重未食完既一塊扒上就走左去
留意翻
係拋左落去塊未食完既扒上面
本身拋e個動作已經係極冇禮貌
重要拋去人地既食物上面？
咩意思呀？
姐係要我地塊扒又唔食得
杯檸茶又冇糖可以落？
係e間餐廳既大半個鐘真係貼錢買難受
食物難食
環境極擁擠
服務極差
唔怪得間間餐廳大排長龍
係得e間唔洗排
有自虐傾向既話不訪試一試e間餐廳🙃
张贴