東海酒家 (已結業)

親友擺大壽，屋企人當然要出席，唔知邊個鬼主意，有美心唔去走咗 去呢間「山卡啦」o既東海，呢個都算...最火係啲 野唔掂...一開始，已覺間野橫樑壓頂，個場設計得好唔舒服，予人呼吸困難/頭暈之感，加埋啲位又逼，大酒樓喎...之後冇幾耐，部長就同我地講話冇龍蝦，因為第二日要轉餐牌，所以冇訂定龍蝦喎！要用帶子炒「花枝片」代替..吓！？咁都得，龍蝦同帶子差幾遠，你當我第一日出來食野？咁大間酒樓點會冇龍蝦，同埋我地係一早訂枱，果晚又唔係大日子，根本唔爆！點會冇？同埋冇就應該一早講，用幾十蚊茶記都煮得到o既餸 換咗碟龍蝦...真係想拉隊走人，不過自己輩份低同埋唔想搞寸party...算龍蝦事件後，正式開始上菜...嘩！真係好精細...碟碟菜都細得可憐...轉一圈就乜都食唒...夾得慢就乜都冇，果個趐，很認同樓下網友所講，真係搵條趐都冇，最慘係淡...就連碟干燒伊麵都細個人...一個人食得哂果隻..反而最掂o既可能真係飯後甜品...紅荳沙！咁就夠死啦！俾三仟幾蚊食甜品，傻的嗎？個壽包就真係好大個，但問題係諗咗好耐都唔明點解入面要整粒咸蛋黃(雖然粒咸蛋黃好靚)，搞到好似食月餅咁...九唔搭八。埋單三仟