川燒 (已結業)

之前聽到朋友話佢地龍蝦吾錯 今日專登約左男人黎試下先，一入到去都見到已經有人點黎食，都幾大隻喎……二話不說即刻點左個朋友推介我的黃金芝士燒原龍蝦先。個龍蝦雖然等耐左d，應該係即燒，但一上黎吸睛度級高，我地已經忍吾住食..臨中間男人先講做咩吾影相..哈哈。龍蝦肉質彈牙，味鮮，重有d juicy，加上芝士，好好味，我地掙住食，哈哈！燒特級牛利條，燒得又熱而且好香，牛利口感不錯，想食菜的我們都叫左川香肉碎燒茄子，係食串燒必點菜式之一。呢間店好貼心甘上菜時已經去左茄子皮，食時好方便。辣辣地又加肉碎，好夾。燒鍋噴泉蛋醬飯…個燒飯係廚房炒好左，出黎用鍋既熱力加芝士同蛋醬再炒一炒，直情拉到絲出黎添，好香，好食，而且都幾飽肚下添。川香海蜇頭拌青瓜，海蜇頭有o趙口，粒粒都大大粒黎拌青瓜，辣得黎剛剛好，正！成餐飯坐得都舒服而野食夠熱夠新鮮，唔錯唔錯。