三川居酒屋 (已結業)

忽視有metime，立即約朋友係銅鑼灣食個飯～臨時臨急要搵間好味道嘅餐廳食飯，幸好我地時間尚早，就即刻行開兩步去三川居酒屋！幸好６點左右去到，仲有位坐，差唔多７點就full house了~隱約聽到隔離枱講日文，偷睇佢點咗咩食飯，再參考參考～點嘅幾款食物，性價比都高！原板海膽刺身 賣相靚，價錢合理，海膽鮮甜！海膽充滿光澤，入口即溶，味道亦鮮甜！包著紫菜慢慢食，舒舒服服慢慢嘆，份量２個人都夠食！鰻魚牛油果加州反卷 雖是家常菜反卷，但味道不錯！反卷材料新鮮，有牛油果、濃香嘅鰻魚，仲鋪滿蟹籽，最特別係加咗少少鰻魚汁，味道更好！而且即點即卷，入口時仲暖暖的，有heart!日式炸魷魚鬚最惹味嘅一道菜，外層鬆脆，粉漿唔厚，魷魚鬚彈牙！用唻送啤酒非常夾！驚唔夠飽，所以一開始點咗泡菜豚肉鍋，又係另一個惹味之選。最貼心嘅係，餐廳見我地前菜慢慢嘆，唔想我地食得太急，等我地食前菜食得7788再上呢個鍋。上枱時熱辣辣，又多料。用料豐富，泡菜湯底微辣，好想叫多碗白飯食呀！