影片
更多
2021-03-17
59 浏览
見到呢間新加坡菜開左一排，但係一直無乜機會試到，難得今次夜晚經過就入黎食下喇沙啦。招牌雞肉喇沙（$118）雞肉喇沙嘅湯底好香好濃郁，食落唔會好辣，啱曬我呢啲唔食得辣嘅人。麵底係米線黎嘅，雞肉都幾多，食落好嫩滑。另外啲配料嘅份量都唔少，有芽菜、魚片、全熟蛋同豆卜，都幾好食。喇沙配埋一款嘢飲，今次我地就揀左熱奶茶，飲落就係普通奶茶。馬來西亞香煎辣魚餅配多士包（+$28）夜晚多士包賣曬，所以轉左另一款包，但整體黎講係麻麻地。中間塊魚餅好薄好軟身，食落鹹鹹辣辣，好似啲辣魚片零食咁，有啲失望。本來想加個椰子雪糕咖央三文治，但係夜去已經賣曬，好可惜。堂食係免加一嘅，不過見到啲價錢都唔算平。另外店員好細心，見到我地兩個人share食會主動拎雙份餐具同碗仔黎。夜晚去無乜人，有機會會再去試下個甜品三文治。
招牌雞肉喇沙（$118）
雞肉喇沙嘅湯底好香好濃郁，食落唔會好辣，啱曬我呢啲唔食得辣嘅人。麵底係米線黎嘅，雞肉都幾多，食落好嫩滑。
另外啲配料嘅份量都唔少，有芽菜、魚片、全熟蛋同豆卜，都幾好食。
喇沙配埋一款嘢飲，今次我地就揀左熱奶茶，飲落就係普通奶茶。
馬來西亞香煎辣魚餅配多士包（+$28）
夜晚多士包賣曬，所以轉左另一款包，但整體黎講係麻麻地。中間塊魚餅好薄好軟身，食落鹹鹹辣辣，好似啲辣魚片零食咁，有啲失望。
本來想加個椰子雪糕咖央三文治，但係夜去已經賣曬，好可惜。
堂食係免加一嘅，不過見到啲價錢都唔算平。
另外店員好細心，見到我地兩個人share食會主動拎雙份餐具同碗仔黎。
夜晚去無乜人，有機會會再去試下個甜品三文治。
张贴
