大將 (已結業)

想慰勞下媽媽平時嘅辛苦，想帶佢去打邊爐食好啲，今次搵咗呢間大將，個名好有日本feel，屬於日式火鍋，平時媽媽一定少食。餐廳地點好易搵，同媽媽喺TOP行咗幾個圈睇吓啲精品，再落返去地牢食飯。好快安排到座位，而且服務員都好親切，最特別嘅係佢係一人一鍋，而且佢隻碗有個隔湯既設計，非常細心，完全係好有日本人嘅特色。我哋叫咗椰子雞湯湯底，媽媽成晚都讚佢啲雞非常滑，同好有雞味。今晚我都食咗好多日本黑無和牛，切到非常之薄，啲肉係粉紅粉紅，好有和牛香味。