愛上米線 (漆咸道南) (已結業)

之前無意中發現標榜「無味精」嘅米線店，今日帶埋近排活得好健康嘅朋友仔嚟一齊試下。「愛上米線」當然招牌係米線啦，但哩度嘅米線同其他連鎖店唔同嘅係哩度唔會可以自選餸，而係有數款配搭好嘅餐點，另外除咗湯米線外仲有撈米線、泡飯同蔥油餅，選擇都唔算少，而且單品都係由數十元起，升級套餐特飲只需加$22，仲要可以任加米線/飯，簡直係糧尾恩物😆😆朋友就叫咗紅燒牛𦟌湯米線話想試下無味精每日新鮮熬製嘅牛骨湯底，友人話湯頭偏清淡，可能係因為用海鹽調味又無添加味精，如果嗜辣啲話可以試吓佢地嘅辣油😋有5片軟稔嘅紅燒牛𦟌，米線唔會過稔而變成一坨，整體來講都唔錯小妹就叫咗辣椒炒肉拌米線，店員話哩個佢地嘅其中一個主打，辣椒炒肉係即叫即炒夠哂鑊氣，叫得辣椒炒肉我會以為係紅通通嘅辣油，但反而係綠油油一片，炒肉加上尖虎椒落鑊爆香，豬肉片夠脆身但頗乾，隱藏嘅sauce 係米線底，撈完之後太香就唔記得咗影相🤭小食方面推仲必試話梅小蕃茄，粒粒手工心機之作，每粒小蕃茄都已經去皮再加醃製，食落先有話梅嘅酸甜，咬落去小蕃茄嘅甜度升至頂點，作為開胃前菜一流。我地仲叫咗港式美食蔥油餅添，仲可添加配料，藤椒雞粒好香口，藤椒帶點點麻加上辣椒🌶️