真姐港台美食

营业中

休息中

聽日夜晚去觀塘上興趣班，上完堂已經係夜晚九點幾，大部份餐廳都已經關門，但係比我見到呢間仲開緊門嘅小食店，可以醫下肚。小食店有好多地道嘅香港小食，好似牛雜、煎釀三寶、燒賣魚蛋、生菜魚肉等等。除咗港式小食之外，仲有啲台灣小食同埋飲品，望落去幾吸引。上完跳舞堂之後好肚餓，所以我就點咗好多嘢食返屋企慢慢食。首先有呢個台灣刈包，包入邊包住肥豬肉，仲有啲配菜，好邪惡。好耐冇食煎釀三寶，點左啲豆腐、茄子、紅腸等。仲有比較健康嘅生菜魚肉。呢杯冬瓜鮮奶大大杯，幾抵飲。