燒肉 DON DON

营业中

休息中

依家越嚟越興「一人食堂」，甚至烤肉都可以一個人自私食！今日就黎到位於旺角中心既一人烤肉店食自己！今次我叫咗一個牛五花套餐，成個套餐包括有餐湯、沙律、白飯同埋主角 - 肉！今次嘅餐湯係羅宋湯，成個湯相當足料，啖啖都有肉！而重點既牛五花，外表肥瘦均勻，五花嘅紋路相當漂亮，而且亦都唔會太厚太大塊，燒起嚟都唔吃力。爐頭火力充足，肥肉燒至金黃香脆，肉質軟熟，一不小心配埋白飯就食曬了！而且仲有不同既醬料配搭，口味更添豐富！餐廳環境舒適整潔，裝潢比足心機，自己一個坐低慢慢me time食肉都係相當寫意！