燒味滷師 (協邦大廈) (已結業)

昨日去完屯門親友家拜年已經玩到好累，媽咪話唔想買餸煮飯， 咁我就提議去燒味滷師到買d 燒味煲個飯炒個菜食得唔洗搞咁多野。燒味滷師屯門分店我係第一次來幫襯， 地點都幾方便，去到都好多人排隊買緊，生意幾旺，我諗係因為真係幾抵食和味道都幾好先可以吸引到咁多街坊幫襯嘅。我就買左燒味佬叉燒，老師傅燒腩仔，至尊燒鵝（下庄）和客家鹽焗雞。叉燒燒得唔錯肥瘦適中帶少許蜜汁，燒腩仔皮燒得香脆，肉質軟腍好味道，呢隻 燒鵝唔太肥剛剛好，咬落皮脆肉嫩，口腔滿滿鵝油香，忍唔住食多兩件，最後焗雞咸味剛剛好，雞皮連肉好滑雞味特別濃郁，越嚼越出咸味。