湯之谷 (已搬遷) 新店位置

只做外賣，無堂食，開咗一段時間而家先試因為覺得lunch 只飲湯會唔夠飽，最近買湯送蒸飯咁就可以一試，湯款好多，有蟲草花燉雞，五指毛桃..等等，每款價錢都唔一樣，我就揀咗猴頭菇豬展湯，68蚊，送嘅蒸飯有肉餅或者排骨，我就要咗肉餅，order咗好快就有。返到公司打開湯好夠熱，飯就係暖嘅，湯料都幾足，有三件豬展，一件猴頭菇，淮山少許，湯好清，無乜落鹽，跟餐附送幼鹽一包，我就無加。飯一般般，中間有鹹蛋，份量都幾少，男士應該唔夠。