小食快綫

呢個我初中年代先至出現嘅街頭小食，依家買少見少，即使有，都同以前差別好大，呢間係算係比較好啲，但同以前都相差好遠，尤其是豬腸，差別最大，只有韮菜無變，豬紅都無以前咁爽咁滑，個湯都無以前咁好飲，以前個湯，只用簡單鹽水，頂多加啲胡椒粉，但呢個湯居然加薑粒，但又無薑嘅辛辣味，而且個湯你黃色，而唔係白色，因此我估計係南薑而唔係生薑，味道當然無以前咁好。以前啲豬腸係用新鮮豬腸，所以食落煙韌有香味，但呢碗豬腸唔香，咬落一啲都唔似係新鮮貨，因為新鮮貨同雪藏貨嘅質感相差好大，即使係咁，呢間連鎖小食店，都唔係間間有得供應呢個簡稱三樣嘅小食。
以我所見，只有粉嶺名都商場嘅分店先至有，有興趣不妨試下。

1