廉記冰室 (春園街) (已結業)

有圖為證！買小食送啤酒係咩玩法？啲一口牛大大粒，又夠juicy，配菜有一大堆。再加埋支藍妹夠晒霸氣，都係一百蚊內落樓！食完飯唔夠候，或者細食人士，嚟呢度食個宵夜就一流！個菠蘿油都好正，外面鬆脆，裡面嘅牛油就creamy到極點。大大件配埋杯凍奶茶，投降！再加產呢度都幾光猛，位置數量都夠多。裝修新舊共融都幾有心思，仲有四隻大大隻字寫住「廉而有信」，夠晒貼題。灣仔區嘅朋友，呢間新開嘅茶記又係一個新選擇！