龍津風味美食

收工去買煎釀三寶，見佢款式俾另一間多，又有西蘭花釀魚肉，好似咁特別咁，所以買嚟試下啦。
返到家一食，魚蛋無另一間咁彈，啲魚肉仲要聞到係腥腥地，除非你個人有特殊辟好啦，喜歡食呢款味，真係難食到呢。
之後食果件西蘭花魚肉，真係頂一聲，啲魚肉係未熟透的，睇清睇楚再用條脷試真啲，食落似漿糊咁嘅質地，兩件都懷疑係生咖，所以唯有棄之亦不可惜🤮。你話食完係咪令你好激氣。
同阿女講開，話上次佢去買魚蛋時，俾個阿姐鬧佢“睇咁耐買得少喎”，家下做生意寸到咁，難怪啲人要北上消費囉，唯有祝呢間店早日xx啦。

1