八幡屋涮涮鍋 (已結業)

天氣熱咗即刻好想食放題！有刺身、海鮮同火鍋嗰啲！上網搵下見到「八幡屋涮涮鍋」就叫C2餐！C2餐即係任食牛肩胛、刺身、海鮮、燒物、揚物、自助吧任食、清酒任飲 150分鐘！嚟到第一時間食刺身！都幾新鮮，啲蝦真係幾甜，encore咗幾次，三文魚好油潤，希靈魚爽爽地都好甜。之後就勁食牛肩胛，薄身輕輕灼下就食得，有肉味又唔韌，食左好多碟！最後出去攞甜品，見到連碗仔翅都有，不過已經好飽無食到，留肚食雪糕，完滿！之後發現原來網上預訂C3餐 除咗有買一送一同送鮑魚之外，預約4人同行仲送埋生蠔，下星期約埋啲friends gatheirng先！