八幡屋涮涮鍋 (已結業)

🚩八幡屋涮涮鍋〰️〰️〰️〰️〰️〰️〰️〰️〰️〰️〰️〰️〰️瓊華中心相信大家都唔陌生，成幢都係大胃王挑戰🥹今次就揀咗位於12樓八幡屋涮涮鍋，只要讚好佢哋嘅社交平台就有買一送一嘅優惠，激抵‼️我哋揀咗D4套餐，日本和牛生蠔刺身任食，原價就898嘅，依家就只需要$449另加一，平左超多✨最最最開心嘅係佢哋有壽喜燒湯底，食牛肉簡直就係絕配🤤依度肉嘅份量都俾得幾多，唔會一盤得幾件揼你時間，可以食得非常滿足～日本和牛識落比較淋，油脂感十足🐂澳洲和牛肉味比較濃烈，可以話係各有千秋～出面自助區仲有生雞蛋拎，撈埋牛肉一齊食入口超級滑嫩刺身方便佢哋都算做得非常之唔錯，特別喜歡三文魚🍣厚切而且好有油甘味～除咗刺身火鍋之外大家仲可以試吓佢哋嘅熟食，串燒都係新鮮燒起～不過就略嫌出面嘅天婦羅有少少油膩嘅感覺，同埋天婦羅汁味道較淡🤧餐廳提供嘅雪糕都有好多種，有驚喜嘅係有香橙伯爵茶味，超級濃郁🧡🧡