Piccolo Pizzeria & Bar (沅紗街) (已結業)

近日應該大家都聽過銅鑼灣大坑啲餐廳執咗好多間。其實真係，大坑真係無咁多人。為求自保，Piccolo 佢哋星期三及四Pasta 買一送一👏🏻👏🏻👏🏻今次我同我個仔一齊去食，四個人叫咗兩個Pizza同埋兩個pasta，一份雞翼。唔知道我哋係咪太肚餓，定係啲portion比以前細左，食晒啲嘢我個仔仲話好同餓首先要講下份雞翼，睇Menu話有六舊，諗住實夠食啦，我哋得四個人。點知啲雞翼瘦到無朋友，無乜肉，皮包骨咁，好失望。味道一般，勝在夠熱。記得早幾年好似大舊啲㗎啲Pizza就真係冇得彈，個底係又薄又有咬口，佢哋用嗰啲mozzarella 芝士特別好食Salsiccia 意式肉腸意粉其實係meat balls ，啲肉用咗好多herbs,煎得好香，外面有啲脆但裏面又唔太乾。啲pasta 煮得啱啱好，蕃茄醬煮得唔會太酸味道比較濃。但係唔知係咪買一送一嘅關係或係因為我叫咗linguine ，好似份量少咗啲。另外果份pasta我哋叫咗Vongole白酒煮蜆意粉，隔咗好耐先至嚟。雖然都煮得好好食不過我記得以前佢哋用嘅蜆係好大隻㗎，但係而家細咗三份一囉。唉，可唔可以俾返啲美好回憶我呀！