影片
更多
2021-09-21
177 浏览
想食放題好耐啦，難得今日有人肯同我一齊喪食，一於去大食番一餐先！我地7點左右上去，好彩唔洗等位，原來入面環境超大。基本上好多卡位，又大部分都係梳化位，坐得舒服。仲有大卡位咖，餐枱中間放左隔板，一大班人食都可以坐埋一齊！而家放題都用QR code落單，都幾好，又清晰又唔會浪費啲紙。所有項目都一目了然，鍾意食幾多都入幾多。。。仲有呢度原來有個自助區，出面可以凍海鮮，有螺，蝦，青口。又有麥樂雞，薯條，牛角包，又有兩款中西湯，等野食嚟之前可以食住呢啲小食凍盤先。放題第一時間緊係要點刺身！最中意食甜蝦，赤蝦，生蝦，帶子，赤貝，榮螺。好特別我地係唔點三文魚同吞拿魚😂所以不停都係點蝦蝦蝦！壽司🍣呢度啲壽司細細件，一啖一件，飯亦唔會好多件。大家睇下，每件飯都好小，材料好大舊。特別推薦花之戀！好好食！海膽手卷必食，海膽有鮮甜味！跟住當然要食熟食啦。牛舌同羊架都好好食！牛舌好大片，唔會un，岩岩好！羊架好大件，啖啖肉，肉質好鬆軟，好香羊味！我食左2件，好正🤤🤤仲有炸物，有好少見嘅炸鮮奶，炸得好滑又香牛奶味。榴連波波唔洗多講啦，榴連控必點，裏面嘅榴連醬真係好正！不過炸蠔粉太多。重點仲有天婦羅，真係即點即炸，
我地7點左右上去，好彩唔洗等位，原來入面環境超大。基本上好多卡位，又大部分都係梳化位，坐得舒服。仲有大卡位咖，餐枱中間放左隔板，一大班人食都可以坐埋一齊！
而家放題都用QR code落單，都幾好，又清晰又唔會浪費啲紙。所有項目都一目了然，鍾意食幾多都入幾多。。。
仲有呢度原來有個自助區，出面可以凍海鮮，有螺，蝦，青口。又有麥樂雞，薯條，牛角包，又有兩款中西湯，等野食嚟之前可以食住呢啲小食凍盤先。
放題第一時間緊係要點刺身！最中意食甜蝦，赤蝦，生蝦，帶子，赤貝，榮螺。好特別我地係唔點三文魚同吞拿魚😂所以不停都係點蝦蝦蝦！
壽司🍣
呢度啲壽司細細件，一啖一件，飯亦唔會好多件。大家睇下，每件飯都好小，材料好大舊。特別推薦花之戀！好好食！
海膽手卷必食，海膽有鮮甜味！
跟住當然要食熟食啦。牛舌同羊架都好好食！牛舌好大片，唔會un，岩岩好！羊架好大件，啖啖肉，肉質好鬆軟，好香羊味！我食左2件，好正🤤🤤
仲有炸物，有好少見嘅炸鮮奶，炸得好滑又香牛奶味。榴連波波唔洗多講啦，榴連控必點，裏面嘅榴連醬真係好正！不過炸蠔粉太多。重點仲有天婦羅，真係即點即炸，熱辣辣咖！
仲有其他熱食，有燒鰻魚，好好食，又厚肉，燒得好香！比目魚，魚肉好滑，不過偏咸，仲有焗帶子 ，真係好正！清酒煮蜆好鮮甜。記得要點燒菠蘿，一口咬入去爆汁！
埋尾再點左份海鮮粥，食到最後清下個腸胃就最好。
除左出面有雪米糍同雪糕之外，記得可以點每人一杯名牌雪糕咖！飲品除咗汽水茶類，仲有啤酒🍻唔可以錯過仲有清酒梅酒！
呢度啲服務都幾好，上枱食物時會講多謝，又有人不停執走啲碟，坐得舒服！點幾多件都算嚟足，呢方面做得好好！讚👍🏻平日食2個鐘，價錢合理，$258食2個鐘，食物質素亦幾好，服務唔差。
只係走嘅時候等𨋢等左好耐。。。。
张贴
