翠華餐廳 (已結業)

上星期五，同阿媽去佐敦買野，買完之後揾地方食野。最後揀了出名價錢貴嘅茶記。被安排坐到最入，近乎無冷氣，食到一身汗！又被安排給一個trainee幫我地落單！ 非常大矇，落單矇查查。要了一個午餐，同埋一個咖哩牛筋腩飯，share 食。午餐要了白汁龍利柳天使面。落單不久就送上。都是預先整定的。白汁奇少，最搞笑係有白汁之餘，仲有茄蓉醬白汁少到唔夠撈天使面。天使面份量適中，夠乾身。又唔會太淋喎，依然al dente，幾好。不過實在無汁，好似齋食天使面咁！龍利柳沾了面包糠攞去炸，原來應該是脆口的。不過上枱時已淋了！一點都唔脈。炸漿不算厚，但無味道。魚肉質地削，唔夠實淨。質素實在很一般！又話自己咖哩出名，咪又係名過其實！完全食唔出佢有咩咁特別，仲要收成四十幾蚊！真係唔抵食呀！咖哩得個辣字，完全無咖哩的香味。牛筋好食，入味且淋。不過牛腩勁鞋勁韌，唔得呀！出名貴價茶記，原來質素是這樣的！