戶井北海道米比薩 (已結業)

雖然呢間係專食米比薩, 但朋友對米比薩的評價不是太好, 所以我都無謂駁, 諗住叫個蛋包飯穩陣D, 但都不外如是, 一D都唔值呢個價錢~  吉列豬扒紅菜頭蛋包飯配牛肝菌汁  個蛋包飯賣相好差, 個蛋好醜樣, 一D都唔滑淨, 起哂豆皮, 味道更加差乎我想像, 本以為佢用北海道牛奶, 會好香好滑好濃奶味, 但唔係好食得出有奶味, 而且紅菜頭只係有色冇味, 跟本連蛋都冇味, 唔知想點?  個飯入面係珍珠白飯, 但煮得林咗, 而且冇飯香味, 唯有靠個牛菌汁去吊味, 而個汁真係好勁菌味, 對菌類有抗拒的, 應該接受唔到個味~  唯一好在個吉列豬扒都OK, 熱辣辣炸好, 夠脆, 雖然個皮都係厚咗D~  吉列大蝦菠菜蛋包飯配日式咖哩汁  個蛋包飯都係一樣咁樣衰, 呢個係菠菜蛋包, 一樣係有色冇味, 至於個咖哩汁都唔差, 因為係日式, 所以唔會太辣, 連我呢個唔食得辣都接受到~  吉列炸蝦竟然係連頭的, 都係第一次見試到, 通常都係冇頭蝦, 咁即係證明佢D蝦靚D, 不過又真係爽口~  熱檸水個杯好特別, 所以唔可以斟太滿, 味道冇特別唔怪之得呢度星期六luch時間, 其他舖頭要等位, 佢