王幺妹黔川米線

营业中

休息中

我今日經過紅磡，就被「貴川」呢個詞彙所吸引。我向來鍾意食唔同國家嘅特色食物，貴川米線真係未試過。米線嘅湯底分別有酸辣，清湯，麻辣同酸湯。貴川遵義羊肉米線配清湯，本來仲擔心清湯會淡而無味，點知有驚喜。因為有羊肉嘅關係，每一口湯都充滿羊既香氣。呢度嘅米線都好特別，有少少似粉仔，較易斷開，口感軟稔。而羊肉帶點輕微嘅羶味，容易入口。而另外一款酸湯米線，酸味來自黑醋，味道偏酸。餸菜嘅份量亦好足料，女仔食嘅話，可能叫少米線會比較好。我自己就比較鍾意食清湯多啲！雖然鋪仔細細，但係五臟俱全，各款嘅小食應有盡有。我最鍾意食土豆絲！本來以為係一般嘅酸辣涼拌土豆絲，但原來係熱食嘅。口感爽口，可以自選辣度。冰粉冰涼透心，甜度適中，消暑一流。