燒肉火蔵 (已結業)

朋友睇左報道話想試，於是就相約去食。提前一星期book位，所以一去到就有位，不過都見到餐廳外有唔少人等位。一坐低就立刻睇menu，但發覺食物品種不多，主要都係牛肉，配菜小食都好少。我地唔太知邊d好食，所以最後決定叫左個精選燒肉盛合，再加個厚切牛舌，韓式辣泡飯。最先到是厚切牛舌。一開始嘗試自己燒，但覺得太大火，於是同店員講可否關細小小個火，但店員話燒肉一定要大火先得，於是區就話示範比我地睇點燒。我地覺得燒係無問題，但態度就唔太好，語氣都麻麻地。厚切牛舌無麼特別，牛x噶仲入味d。燒肉盛合到，哇，完全嚇親，分量未免太少啦，好彩有order個飯。而且全部都係望落去好靚，食就真係不外如是啦。牛味唔算重，有部分鞋鞋地，極度普通，完全唔值呢個價錢。好彩有呢個泡飯，頂到肚，因為食曬全部牛，都無麼感覺。呢間燒肉真係好令我地失望，埋單每人400蚊，但食唔飽噶，而且牛噶質素甘普通，完全唔值得離食，店員態度一般，而且好明顯training不足，上菜都有d混亂，有待改善。