加東叻沙蝦麵

营业中

休息中

今日下午茶時間4:00pm經過孖沙街，見有幾間馬來食店,加東特別有叻沙麵相片大大張貼係門囗，又吹噓係出名小食店，所以就入去試吓佢哋的招牌叻沙麵。有個帶眼鏡嘅啊伯走過嚟,即刻要你叫嘢食，我就叫咗餐牌上的叻沙麵有魚蛋,蝦，豆卜$40蚊，係等待的時候再小心細看餐牌,竟然見倒有下午茶餐叻沙麵加熱飲$32蚊，嗰麵除咗以上食材還加有魚片等，但我叫果碗麵少咗食材加冇嘢飲要＄40蚊貴咗＄8蚊。呀伯攞碗麵過嚟,，但見我碗麵細加冇セ特別,，跟著我問呀伯我嗰麵同茶餐有セ分別，呀伯就好唔高興咁答我,我叫果碗麵大D及好食D，而茶餐嘅麵就會細D差D咁話，(既然茶餐又細又差，佢哋解要賣呢?) 仲話喺我自己叫嘅，但喺跟住我隔鄰枱叫咗個茶餐,同我碗麵一样大細,食材又一样，呢嗰呀伯咁唔老實，碗麵又唔好食，魚蛋冇味又實啲啲，得一隻蝦又分為二片，米線不爽加碎濕濕,嗰湯底好一般，所以結論係貴加唔好食加不老實，以後一定唔會再幫襯。