外灘拾號 (已結業)

呢間上海餐廳唔係朋友介紹都唔會走到入黎食🙈地點係荔枝角 雖然唔算遠 但夜晚好黑入黎食飯都要搵一搵路先得 街都有d靜。。好彩同朋友一齊行就無咁驚🙈😂呢間餐廳就唔算好傳統既上海菜 偏新式同貴價既路線💁 今晚有六個人食飯 就可以試多幾樣野share😛首先 緊係整個燻蛋先 面頭仲有d黑松露粒 貌相相當靚架！！ 仲要有d溏心既效果 超正🤤🤤🤤不過黑松露有d太咸 搶左個味道個松子魚又係正既 我地仲揀左海魚 雖然貴d但炸完都仲好滑 配埋個甜酸汁好開胃！個奶油津白就好香奶油 但唔會漏 津白直程係無牙婆都食得😂有老人家既話不妨一試😉最後仲叫左兩客小籠包 一個炒飯 同高力豆沙！六個人食超級飽🙈😂😂