四季‧悅 日本餐廳 (遠東金融中心) (裝修中)

自問少有食過300以上既放題，比咁既價錢，期望當然高，都冇失望既。餐廳走高級路線，睇名都睇得岀，連入去都覺得有啲似係酒店餐廳咁放題任食4小時 $428，兩位放題送新鮮長腳蟹！肉質鮮甜,飽滿，不過本身放題都有得食就仲prefect 。刺身壽司一共多過80款，刺身有油甘魚、劍魚腩、三文魚、吞拿魚、玉子、螺等等。刺身新鮮和肥美。推介甜蝦，蝦味重，不會有雪味，而吞拿魚蓉壽司的比例剛剛好。壽司推介海膽壽司！海膽大舊而且鮮甜，飯又不會太多，海膽迷極度推介。炸物推介軟殼蟹，少有放題可以食到咁大舊，而且係不厚粉。餐廳仲有自家製甜品送架！