發記甜品 (已結業)

今日約左朋友仔喺旺角飯局未夠晚餐時間 但又有少少肚餓於是喺附近搵啲甜品食下啦行行下見到有間野寫住發記甜品 但裝修同其他發記好唔同如果唔係見餐牌上嘅食物一樣，差啲仲以為有第二間發記😓裝修摩登左咁多，價錢當然有返咁上下啦.....呢間分店價錢係比其他發記貴嘅😒我地叫左香蕉酥同榴槤心太軟同其他分店相比，香蕉酥嘅份量明顯係少左嘅😒至於榴槤心太軟 一上枱就即刻明白點解價錢貴咁多😂最值得一讚係下面舊雪糕，雪糕有幾個味可以揀，榴槤控嘅我地就梗係揀榴槤味啦😂舊雪糕我覺得好好味，榴槤味好重好香👍👍👍雖然價錢貴左，但呢度環境比較闊絡，坐得舒服好多👍所以應該都會有一定嘅客路嘅😅