Table 18 Bar & Restaurant (已結業)

於觀塘食lunch 從來人頭湧湧，今個月KT之友午餐聚會選址於APM內的"TABLE 18" ，明知貴價，一試無妨。午市餐牌只有A-D 4款選擇$88-$128，我地3個不約而同豪一豪，吃最貴的牛扒D餐。 午市送自助Salad bar，沙律吧配料都算是不錯，沙律菜、車厘茄、紅黃椒、兩種火腿、麵包條、pizza 包……唔係話太多，但都精巧美味。主菜來了！叫左7成熟的牛扒，其實都算真係7成，因為切開都係粉紅色但沒血水，僅熟，但外面烤得太熟，頗為硬，好難咀嚼。bill tai tai 對於成個焗薯上頗為欣喜，因為原味的薯仔 (即是非油炸、白烚的) 都是我的favorite ，猶其是細細粒的新薯用來白烚配牛扒燒汁最好味！言歸正傳，焗薯配上一大pat 沙律醬和少許bacon粒，想像得到味道standard無特別。總括來說，是坐得舒服、服務及食物都合格的一餐。