影片
更多
2009-06-02
20 浏览
端午節下晝5點幾，原本打算去紅磡時新食個tea~~點知去到 - 休息!! 即時轉陣去蘇三，其實之前一直都想去反正十萬個理由去唔到，今日就一於去試下。沿途夫人一邊睇食評一邊講有d人話佢態度麻麻~~不過呢，到步坐低後又幾好喎。一位架住眼鏡既侍應係我地都未坐穩張櫈就已經即時提我地今日個焗爐有d問題~所以焗野就無喇~~唔緊要，下午茶個menu都由A - H，無兩款o者~~最後，腐乳多士同中式漢堡包係我地既選擇。份多士送到檯面既時候真係好香~可能我自己都幾鍾意腐乳，加上第一次食真係好特別~咸香得黎又甜甜地，同以往食左廿幾年既油多、占多、奶醬多分開一次咁多丫~~真係值得一試。到左中式漢堡，侍應哥哥都有提到我地由於即製所以需要多d時間~~10分鐘後上檯。漢堡扒其實係肉餅+蘿蔔，唔駛成舊都係肉有d爽口野~Good...另外有d生洋蔥俾你加埋上去!! 而且食落去肉汁都幾豐富，係平時西式既grill之外又有另一種體驗。食物基本上都滿意，但係飲品就略遜一籌~唔係味道唔得，而係佢地d茶只係用Liption茶包，咁咪唔連戲囉~~成間茶室既感覺係應該舊香港味道多d，有種6/70年代既感覺架嘛~~~呢間茶室既定位其
即時轉陣去蘇三，其實之前一直都想去反正十萬個理由去唔到，今日就一於去試下。
沿途夫人一邊睇食評一邊講有d人話佢態度麻麻~~不過呢，到步坐低後又幾好喎。
一位架住眼鏡既侍應係我地都未坐穩張櫈就已經即時提我地今日個焗爐有d問題~所以焗野就無喇~~唔緊要，下午茶個menu都由A - H，無兩款o者~~
最後，腐乳多士同中式漢堡包係我地既選擇。
份多士送到檯面既時候真係好香~可能我自己都幾鍾意腐乳，加上第一次食真係好特別~咸香得黎又甜甜地，同以往食左廿幾年既油多、占多、奶醬多分開一次咁多丫~~真係值得一試。
到左中式漢堡，侍應哥哥都有提到我地由於即製所以需要多d時間~~10分鐘後上檯。
漢堡扒其實係肉餅+蘿蔔，唔駛成舊都係肉有d爽口野~Good...另外有d生洋蔥俾你加埋上去!! 而且食落去肉汁都幾豐富，係平時西式既grill之外又有另一種體驗。
食物基本上都滿意，但係飲品就略遜一籌~唔係味道唔得，而係佢地d茶只係用Liption茶包，咁咪唔連戲囉~~成間茶室既感覺係應該舊香港味道多d，有種6/70年代既感覺架嘛~~~
呢間茶室既定位其實好岩，城中真係唔易搵到咁樣既一間茶室。大家記住，茶室同餐廳係唔同架，所以都要公平返少少~唔可以expect佢地要上菜快、服務好好。畢竟total package先係最重要~茶室/冰廳既格局，唔通要有3星米芝蓮既服務咩。
张贴
