麻甩爐海鮮雞煲私房菜 (銀座廣場)

营业中

休息中

話說自從有左BB👶🏻之後，就要好小心食野，搞到冇啖好食，生完3個月後，終於可以去食下其他野，朋友仔見到我叫食飯，即刻就同我搵好野食，於是就1行5人去左呢間餐廳食，貪佢有得食雞煲同打邊爐🥘今次我地叫左呢啲食物🥰- 特濃花膠雞煲🥘- 番茄豬骨湯 (湯底)🥘- 海鮮拼盤- 時令刺身第1輪我地先食特濃花膠雞煲，雞就任加，花膠好足料👍亦都好大舊，雞亦都非常滑，就算碌耐咗少少，都唔會諧霎霎，食左2轉之後，我飲左少少湯 (因為餵緊🍼，驚塞奶)，個湯真係好濃，真係勁補😍食完雞煲後，就開始打邊爐，黎到個湯好紅，有朋友以為我好食得辣🥵即刻要澄清返只係番茄豬骨湯黎~個牛肉先唔好講好唔好食，淨係個擺位都可以用黎打卡😍師父真係好有心切，聽老闆講話係特登請師父返黎切~講返個牛肉，非常嫩滑，食落去有口感，唔錯🥰跟住出場既係時令刺身，我食咗三文魚、北寄貝同鮑魚，都非常鮮甜，三文魚可以任食，所以我叫多咗2 rounds😜再之後既海鮮拼盤，黎到時啲蝦重係郁緊，正宗生蝦咁跳🤩食落新鮮，重有鮑魚大大隻，質素唔錯👍