真‧章魚無雙 (已搬遷) 新店位置

葵廣一向多野食，黎到一定要有試呢間真·章魚無雙！餐牌上有多款選擇，而且每款都有6粒同8粒選擇！對於蟹子迷黎講必定要呢個....真·蟹子章魚燒，雙色蟹子係爆多咁鋪曬係面， 新鮮到手，放係章魚燒旁邊既木魚碎仲係到不停擺動，章魚燒面上既蟹子粒令入口口感更豐富，粒粒都有脆卜卜口感！而且章魚燒入面真係粒粒都貨真價實～粒粒都有章魚係入面，絕對唔似街邊檔成粒都係得d麵粉，配埋章魚燒醬，絕對無得彈，難怪經常都排住條人龍！