OPPA韓國燒肉店 (已結業)

今日又係食肉獸解放嘅日子啦 去到大埔舊墟直街嘅呢間oppa燒肉放題 揀咗個貴D既和牛任食套餐 星期日夜晚嚟到 開始唔係好多人 但勁快就已經full咗喇 如果要嚟食嘅 就記得預先book位或者早啲嚟等位啦兩個人都坐四人枱好寬鬆 枱上預先已經有泡菜 海帶同芽菜 我就最喜愛食芽菜 夠爽口麻油味香之後萬眾期待嘅烤和牛拼盤終於上菜 用上可愛嘅牛牛木盆去盛載 有澳洲和牛封門柳 黑毛和牛牛肩肉黑毛和牛牛舌 黑毛和牛三角腩等 全部都紅潤 肥瘦適中 落鑊啲油爆曬出嚟 真係好自癒最特別係有個用燒烤醬醃咗嘅牛肋肉 甜甜酸酸非常惹味 而且肉味濃郁好食燒完有醬汁嘅嘢鐵板開始污糟 可以叫侍應幫手換鐵版 非常好服務態度食肉獸唔會因此而滿足 另外梗係要追加和牛啦 第二次上菜速度同埋片數都非常快速同足料 個樣同樣靚仔油花十足 食飽飽仲可以 領取一杯哈根大師雪糕 絕對物超所值