塚田農場 (已結業)

真係太過份喇，首先個中吞拿魚腩海膽卷，真係完全同個圖片不符，看圖片好吸引，叫了一人一個，怎料來到係細舊到好似姆指一樣大，果粒海膽細粒到，其實整得咁小家，點可能收客人$108一客都仲要加一，我地3個見到咁款都不約而同嚇左一大跳，嘩，太差了嘛，貨不對版到咁？？？？？還以爲真是一間值得一試的餐廳添。到食落口更加不用說了，直頭難食，個質地同佢所寫的Fatty Tuna完全拉唔上關係，只能夠話難食，仲要咁貴，真係唔知點做生意。我明白圖片只供參考，但都唔係離譜到咁。到個即切沙律，表明話係新鮮切，但都唔使切到碎到無朋友，都唔知自己在食緊乜嘢，切完個沙律又出晒水，淨係得返一陣草味。唉。其他食物都是貨不對版架，沒有一樣野係覺得好食同值架，之後我地都唔敢再叫其他野食了，免得再中伏。一定唔會再去呢間野呀。完。