林洪記水產

經過疫情已經習慣叫外賣, 懶起上嚟費事出街食, 可是很多餐廳處理外賣求求其其, 可能以為送咗出去嘅食物冇得追究. 即使喺外賣平台我都會上openrice, check check 該店嘅評語. 見呢間店咁多好平, 點知都係一個「伏」字. 以後唔會再幫襯.
龍仔飯 註明配白蜆、花甲、蝦等海鮮. 嚟到只係得幾隻食到成口沙嘅蜆, 同一隻蝦. 啲排骨又鹹又實, 似隔夜翻醃.
仲叫左雜菜, 所謂嘅雜菜原來只係生菜夾小小黃芽白.
青瓜-普通尚算爽口但係唔脆
炸鮮奶-合理

最後200蚊一個外賣唔算貴, 不過成餐飯食得白飯食得入口飽肚

希望openrice多啲叫外賣嘅人上嚟寫食評, 等啲餐廳都認真做事, 唔係得過且過嘅態度!

勉為其難食咗幾舊肉, 冇一嚿好食, 撐啲想𦧲返出嚟