影片
更多
2021-11-21
1006 浏览
星期六Book枱果時，見openrice餐廳推介諗住食好西，點知，一book足成千古恨。。我哋三人開頭點兩碟套餐，咁就先餐前都有沙律刺身，分別係吞拿魚同帶子，其實你做到沙律幾重味，都唔會掩蓋到你劣質吞拿魚有筋嘅情況。帶子方面都okay。之後又嚟咗個墨西哥脆片，嗰醬無味，似超市包裝求其倒嚟serve咁，嗰時已經好失望兩碟主菜入面，一個係牛小排，一個係乳豬。牛小排係全晚最好食既野，整得好淋，油脂分佈剛剛好，入口好香好好食，5分滿分我會比4.5分。而乳豬令人失望係嗰皮，同另外一篇食評所講，咬唔斷好韌。薯條外表就好吸引，點知得個汁得個樣同之前係墨西哥當地人開嘅餐廳差勁遠，個醬汁無辣味死甜，個薯條仲要暖嘅。收得咁嘅價錢薯條要熱都唔係好過份姐？之後另外單點一個大蝦意粉，竟然員工竟然話意粉賣晒，意粉賣晒？大蝦無貨都仲可以原諒，星期六紅日意粉會賣晒。。。呢個理由真係天大笑話，再大嘅笑話係咩？個員工竟然冇cut單，嗰時得四張枱，可想而知啲員工有幾『忙』唔記得咗啦。我認為就算間餐廳有主菜幾拿手都好，其他方面質素參差好影響啲客會唔會再食。但見佢啲野質素咁樣，仲唔拿拿聲食完埋單走咩！另外，員工俾錢態度又有問題
我哋三人開頭點兩碟套餐，咁就先餐前都有沙律刺身，分別係吞拿魚同帶子，其實你做到沙律幾重味，都唔會掩蓋到你劣質吞拿魚有筋嘅情況。帶子方面都okay。之後又嚟咗個墨西哥脆片，嗰醬無味，似超市包裝求其倒嚟serve咁，嗰時已經好失望
兩碟主菜入面，一個係牛小排，一個係乳豬。牛小排係全晚最好食既野，整得好淋，油脂分佈剛剛好，入口好香好好食，5分滿分我會比4.5分。而乳豬令人失望係嗰皮，同另外一篇食評所講，咬唔斷好韌。
薯條外表就好吸引，點知得個汁得個樣同之前係墨西哥當地人開嘅餐廳差勁遠，個醬汁無辣味死甜，個薯條仲要暖嘅。收得咁嘅價錢薯條要熱都唔係好過份姐？
之後另外單點一個大蝦意粉，竟然員工竟然話意粉賣晒，意粉賣晒？大蝦無貨都仲可以原諒，星期六紅日意粉會賣晒。。。呢個理由真係天大笑話，再大嘅笑話係咩？個員工竟然冇cut單，嗰時得四張枱，可想而知啲員工有幾『忙』唔記得咗啦。
我認為就算間餐廳有主菜幾拿手都好，其他方面質素參差好影響啲客會唔會再食。但見佢啲野質素咁樣，仲唔拿拿聲食完埋單走咩！另外，員工俾錢態度又有問題，埋單個時話要paywave又冇預先同客人講自己走去部機前面俾錢，淨係一碌木咁棟係度，去到部機前面明明見到有android pay，拍極都無反應，個員工就失驚無神串句可能蘋果機先用得，我果時心裡面翻白眼我用samsung旗艦機又同你講咩？咁樣既體驗就好似比好貴價錢食快餐咁，一啲都唔係享受，怪唔知星期六幾枱客都無啦。對我黎講，呢間餐廳絕對唔會係我會再去試既一間。
张贴
