普慶餐廳

营业中

休息中

以前食過普慶都真係冇咁差，依家係差到一個點。龍蝦完全得雪味又細隻，員工態度超差，我話要龍蝦同青口，佢一手拎咗5隻青口掟落個碗到，然後先放兩隻半邊龍蝦，不如調轉呀，你俾5隻半邊龍蝦我啦。同佢講返唔要咁多青口，淨係要2隻，佢就係咁咦執返2隻出嚟，淨返3隻喺個碗到，咩態度？排生蠔嗰時，咁啱去到前面位小姐就冇哂，成條隊排緊，個員工仲可以慢條斯理咁慢慢擺佢啲生蠔出嚟，然後又剷咗十下冰鋪喺啲生蠔面，成條隊啲人望住佢咁搞法，唔知為乜，鋪完啲冰都開水逐隻沖，真係唔知個員工咩事。近排主題，有杯泰式珍多冰，係我飲過一杯最難飲嘅珍多冰，極度懷疑負責人將三色冰同珍多冰混為一談。珍多冰啲粉條應該係爽滑嘅質感，但佢就偏偏用上三色冰專用嘅紅或綠色馬蹄去整。口感完全唔同，成杯嘢飲咗一兩啖就冇再飲過。以前會覺得普慶好抵食，睇多咗負評都冇改變啲咩，因為印象中冇咁差，結果去食就係真係一如負評所講，差到爆。勸大家諗清楚先再去食，晚市嘅價錢，對比佢食物質素同服務真係完全唔值！