貓啡 (已搬遷) 新店位置

我和先生點了貓全日早餐及卡邦尼意粉，食物質素都OK。嗰度啲貓仔大部份喜歡睡覺，有部份較為活潑，我見到嗰度有吊床，可以比人哋坐喺度食嘢，見到餐廳裏面有唔少比貓玩嘅玩具同埋設施。個度小食提供俾人為貓貓食，有唔同價錢。個度好多人去嘅，因為都近地鐵站，所以人流都幾旺！可能係因為今日係假期，特別多幾多一家人去，多數帶埋啲細路去搵貓貓！嗰度係有最低消費：每個人$120！平時好似係$80！90分鐘用餐，玩貓就無限時！不過嗰度呢係無鞋套，亦都冇拖鞋供應，所以記得要着襪入去。牆上貼上有個度既貓貓介紹，比客人記得邊隻貓，貓頸上面都有個QR code同埋佢地個名。