影片
更多
2018-12-13
107 浏览
兩位射手座壽星生日快樂！！今次地點係樂園cafe，就係isquare對面既環球商業大廈2樓。開開心心又一餐❤我地7個人，點左5款主菜，4款小食，2款餐湯連飲品，5杯飲品。人均消費400元左右。 滿1000元送怪獸雪糕一個。先黎到檯既有3款小食，分別係吉列蠔，炸魚手指同埋雞軟骨豬肉棒餃子。 吉列蠔同埋炸魚手指都煮到剛剛好，外面酥脆，裡面冇雪藏味。 餃子超級透薄，外面已經望到入面滿滿餡料。再來既係芝士焗青口，我最愛芝士，入面仲有洋蔥粒和煙肉，非常香口，好好味。跟住主菜分別有醬燒美國豬仔骨，牛柳粒飯配秘製燒汁，意大利黑松露吞拿魚比薩同埋戀之花煙三文魚菠菜汁扁意粉。 豬仔骨好入味，啖啖肉令人停吾到口，推薦大家試下。牛柳粒飯當然最主要係牛柳粒啦~小編超中意牛柳粒，燒汁有調配過，味道與別不同，岩晒中意汁撈飯既朋友仔。比薩上面滿滿芝士同埋吞拿魚，加上黑松露，令整個口感再提升一個層次。煙三文魚菠菜意粉一般，感覺普通，不推薦大家試。或者建議可以加配一些香料令依道料理更有生氣。等左好耐，最後一款小食登場啦～就係薯蓉芝士焗西蘭花，上面滿滿芝士，西蘭花同埋薯蓉。 看似簡單既3款食材配合成一道令人有滿足感既料理
今次地點係樂園cafe，就係isquare對面既環球商業大廈2樓。
開開心心又一餐❤
我地7個人，點左5款主菜，4款小食，2款餐湯連飲品，5杯飲品。人均消費400元左右。 滿1000元送怪獸雪糕一個。
先黎到檯既有3款小食，分別係吉列蠔，炸魚手指同埋雞軟骨豬肉棒餃子。 吉列蠔同埋炸魚手指都煮到剛剛好，外面酥脆，裡面冇雪藏味。 餃子超級透薄，外面已經望到入面滿滿餡料。
再來既係芝士焗青口，我最愛芝士，入面仲有洋蔥粒和煙肉，非常香口，好好味。
跟住主菜分別有醬燒美國豬仔骨，牛柳粒飯配秘製燒汁，意大利黑松露吞拿魚比薩同埋戀之花煙三文魚菠菜汁扁意粉。
豬仔骨好入味，啖啖肉令人停吾到口，推薦大家試下。
牛柳粒飯當然最主要係牛柳粒啦~小編超中意牛柳粒，燒汁有調配過，味道與別不同，岩晒中意汁撈飯既朋友仔。
比薩上面滿滿芝士同埋吞拿魚，加上黑松露，令整個口感再提升一個層次。
煙三文魚菠菜意粉一般，感覺普通，不推薦大家試。或者建議可以加配一些香料令依道料理更有生氣。
等左好耐，最後一款小食登場啦～就係薯蓉芝士焗西蘭花，上面滿滿芝士，西蘭花同埋薯蓉。 看似簡單既3款食材配合成一道令人有滿足感既料理，而且廚師用鮮豔紫菊花配襯黃色焗盤，好有心意。
順帶一提，每道料理擺盤非常吸晴，都係以貓和花為主題，好岩一眾打卡人士。
黎到餐湯同飲品部分，每款主菜加配餐湯連飲品只需加78元，而只配飲品就半價。 餐湯非常入味，建議大家一定要加少少中間既忌廉一齊飲，味道又再昇華。
飲品分別有水果茶，乳酸飲品，朱古力，摩卡咖啡等等，連飲品名稱都非常特別，例如笑口常開，紅粉菲菲。 我選左熱拖肥朱古力，第一次飲已經愛上了。
最後，貴店送上一客怪獸蛋糕，精緻足以形容依款甜品，打卡一流，我見到壽星已經忍吾住不停同甜品合照，連我都要影返一兩張先滿足。入面有7個雪糕球，剛剛好每人試一款口味，另外仲有威化餅，雪糕筒，棉花糖，水果等等。
我另外買一個蛋糕慶祝兩位壽星生辰，需加50元切餅費，不過都係自己動刀。
Cafe最大既賣點其實係兩隻貓貓，叫多多同埋小寶。 多多係白色貓咪，總之佢全程訓，任你影相都吾會亂甘郁，不過建議大家吾好手多多係甘摸佢，貓都有火!另外小寶就酷酷地仲識避鏡頭，想挑戰高難度可以搵佢影相。 就係個句，cafe d貓吾中意比陌生人抱，細細力摸下好啦～
张贴
