影片
更多
2021-09-28
102 浏览
今日同女女去將軍澳睇屁屁展。當然要食飽飽先有氣有力行啦~ 一於食個放題先~位於Popcorn 內的「大將」, 係一樓一個角落位，如果唔係一早搵定地址，都幾難發現~呢度一邊既門口係排隊登記入座，門口另一邊竟然係迷你超市黎，估佢唔到~我一早Plan 定要黎呢度，因為有個好得意既貓貓樣送餐機械人會係個場地行走送餐的。雖然都係GIMMICK 野，不過見到佢出巡都好開心~待應會係門口登記客人食咩餐，咩湯底先俾入座，所以大家排隊時不妨諗定~呢度既餐主要分 60分鐘 同90分題放題~當中分別就係肉的質素越高價錢就越貴~ 其他的打邊爐配料同甜品，飲品都係一樣的~呢度係日式火鍋，室內的設計都以日式的木系為主樓底好高，通道好寬敞，環境好乾淨整潔，成個感覺好舒服每人既枱上都有呢種木架，上面的透明兜俾大家出去拎野食的。湯底係一人一兜，每人都可以揀自己的湯底呢度有成九款湯底可以揀，有D好特別的芫茜湯底, 生蠔湯底同埋係日式火鍋少見既花生沙嗲湯底女女揀左佢最愛，又係呢度NO 1 的黃金壽喜燒湯底，味道幾清，同牛肉超夾的~我就點左德州大將王豚骨湯底，有好大舊肉骨係入面架~ 呢個用黎淥豚肉同雞肉就最PREFECT
位於Popcorn 內的「大將」, 係一樓一個角落位，如果唔係一早搵定地址，都幾難發現~
呢度一邊既門口係排隊登記入座，門口另一邊竟然係迷你超市黎，估佢唔到~
我一早Plan 定要黎呢度，因為有個好得意既貓貓樣送餐機械人會係個場地行走送餐的。雖然都係GIMMICK 野，不過見到佢出巡都好開心~待應會係門口登記客人食咩餐，咩湯底先俾入座，所以大家排隊時不妨諗定~
呢度既餐主要分 60分鐘 同90分題放題~
當中分別就係肉的質素越高價錢就越貴~ 其他的打邊爐配料同甜品，飲品都係一樣的~
呢度係日式火鍋，室內的設計都以日式的木系為主樓底好高，通道好寬敞，環境好乾淨整潔，成個感覺好舒服
每人既枱上都有呢種木架，上面的透明兜俾大家出去拎野食的。湯底係一人一兜，每人都可以揀自己的湯底
呢度有成九款湯底可以揀，有D好特別的芫茜湯底, 生蠔湯底同埋係日式火鍋少見既花生沙嗲湯底女女揀左佢最愛，又係呢度NO 1 的黃金壽喜燒湯底，味道幾清，同牛肉超夾的~
我就點左德州大將王豚骨湯底，有好大舊肉骨係入面架~ 呢個用黎淥豚肉同雞肉就最PREFECT~
呢度既醬汁都算係餐廳特色，放正係中間，仲有好多不同選擇
愛辣人仕記得加麻辣紅油，非常香同好味
有隻椰子芫茜汁，開頭覺得好奇怪，但用黎配雞肉超正，一定要試~
擺放丸同菜的地方都好整齊，每樣都有蓋蓋住菜，菇同瓜都好新鮮，處理得幾好
不過生菜太受歡迎，好快無哂，建議生菜放多D~~
前菜同熟食方面唔算特別多，但都幾有特色
前菜的有辣味豬耳(勁好味) ，有酸蘿蔔，蛋卷 仲有炸雞添~
今次我食豪D，叫左澳洲和牛肩肉
一坐底，就會先送上一盤牛同一盤豚肉加雞肉。因為任食，可以再RE ORDER的~
牛肩肉花紋好靚，肥瘦均勻，切得超薄，一淥即食得，非常地嫩滑
因為薄切既關係，拎起黎既時候就要小心D啦~ 處女座既我表示成塊牛感覺會完滿D~HAHA
豚肉入口幾爽，不過略膩肥肉太多，有少少膩~
大家食到尾仲可以用個湯底加飯同蛋自製坎飯架~ 仲有日式咖喱汁可以整日本咖喱飯添
而我當然要留番個肚食甜品啦~
呢度既甜品唔算多，但最吸引的，當然係呢個自製窩夫機啦~
有4部機咁多，唔使排長龍~ 有個牌俾你跟住整，仲有個沙漏俾你計時架，好細心又好好玩
阿女玩得不亦樂乎，自製左個雙色雪糕窩夫甜品，都幾靚架~
個雪糕幾實淨，唔會一攞即溶架~XD
雪糕上的TOPPING 就可以係飲品部攞
除左有TOPPING，仲有好多不同味道醬，好似朱古力，焦糖，士多啤梨，感覺好專業咁~HAHA
至於任飲方面，除左有汽水同COFFEE機，仲有雪櫃入面健康涼茶飲品，用黎打邊爐就最正啦~
如果大家珍惜食物，下次黎奬你多30分鐘食，好有愛呀~
张贴
