友拉麵

营业中

休息中

荃灣有好幾間出色嘅拉麵，今次就試下依間新開冇耐嘅「友拉麵」🍜拉麵店主打四款拉麵，分別係魚介、蔥山、辛肉碎同埋櫻花蝦拉麵，仲有一款期間限定，一入去見到隔離枱嘅「蔥山拉麵」好誇張，蔥花份量非常澎湃，不過我冇咁熱愛蔥，所以揀咗櫻花蝦拉麵🦐雖然櫻花蝦唔似得蔥山咁多，但係湯底幾鮮甜，飲得出啖啖蝦味，油膩感唔會太重👍麵質揀咗普通，食到後期覺得有啲偏軟，如果食野比較慢嘅會建議選硬嘅麵質🥢火炙豚肉肥瘦適中，溏心蛋做得非常好，蛋味香濃，不枉我追加咗一隻溏心蛋，係值得㗎！！拉麵店有好多貓仔裝飾，感覺溫馨～