貓之茶房 (弼街)

营业中

休息中

朋友好鍾意小動物，特登帶咗佢去太子一間貓貓Cafe玩吓。啲貓貓Cafe都係第一次嚟，估唔到體驗唔錯，可以再encore。餐廳平日每小時每位$58 ，已經包自助嘅茶同咖啡，仲有得免費玩board game，貓棒，超級好，仲有其他果汁、飲品、蛋糕、三文治就另外自助付款，三文治都係$18，飲品$12，芝士蛋糕$19，價錢非常親民。入去要先換拖鞋，手袋都會提供一個膠套包住，好安全穩陣。入邊仲有幾本書介紹每隻貓嘅特性，好貼心。貓貓全部都好乖好親人，心靈都被治療了。餐廳都幾大，有好多貓貓嘅活動空間，真係坐得好舒服，減壓又寫意，唔捨得走，我哋都玩咗兩個鐘。